ఆంధ్రప్రదేశ్ రాష్ట్ర ప్రభుత్వం విద్యార్థుల కోసం అమలు చేస్తున్న ‘తల్లికి వందనం (Thalliki Vandanam)’ పథకానికి సంబంధించిన అప్లికేషన్ మరియు పేమెంట్ స్టేటస్ను లబ్ధిదారులు ఇప్పుడు తమ మొబైల్లోనే సులభంగా చెక్ చేసుకోవచ్చు. నవశకం బెనిఫిషియరీ మేనేజ్మెంట్ (NBM) పోర్టల్, వాట్సాప్ మరియు LEAP యాప్ ద్వారా తల్లులు తమ ఖాతాల్లో డబ్బులు జమ అయ్యాయో లేదో తెలుసుకోవడానికి ప్రభుత్వం వెసులుబాటు కల్పించింది.
వాట్సాప్ ద్వారా స్టేటస్ చెక్ చేసే విధానం
లబ్ధిదారులు ఎలాంటి వెబ్సైట్ ఓపెన్ చేయకుండా నేరుగా వాట్సాప్ ద్వారా కూడా తమ స్టేటస్ తెలుసుకోవచ్చు. ఇందుకోసం ఈ కింది స్టెప్స్ ఫాలో అవ్వండి:
- ముందుగా ప్రభుత్వ వాట్సాప్ నంబర్ 9552300009 సేవ్ చేసుకోండి.
- ఆ నంబర్కు వాట్సాప్లో “Hi” అని మెసేజ్ పంపండి.
- ఆటోమేటెడ్ చాట్బాట్ మెనూలో కనిపించే పథకాల జాబితా నుంచి ‘Thalliki Vandanam’ ఆప్షన్ ఎంచుకోండి.
- అనంతరం అడిగిన వివరాల ప్రకారం మీ ఆధార్ లేదా మొబైల్ నంబర్ నమోదు చేయండి.
- వెంటనే మీ అప్లికేషన్ లేదా పేమెంట్ స్టేటస్ వాట్సాప్ రిప్లై రూపంలో వస్తుంది.
NBM పోర్టల్ ద్వారా ఆన్లైన్ చెకింగ్
వెబ్సైట్ ద్వారా స్టేటస్ తెలుసుకోవాలనుకునే వారు అధికారిక NBM (Navasakam Beneficiary Management) పోర్టల్ను ఉపయోగించవచ్చు:
- మీ మొబైల్ బ్రౌజర్లో bm-sgsw.ap.gov.in లేదా gsws-nbm.ap.gov.in పోర్టల్ను ఓపెన్ చేయండి.
- స్కీమ్ ఆప్షన్ వద్ద ‘Thalliki Vandanam’ సెలెక్ట్ చేయండి.
- విద్యా సంవత్సరం 2026-27 ఎంచుకోండి.
- లబ్ధిదారుని ఆధార్ నంబర్ ఎంటర్ చేసి, లింక్ అయిన మొబైల్ నంబర్కు వచ్చే ఓటీపీ (OTP) నమోదు చేయండి.
- తర్వాత స్క్రీన్ మీద మీ దరఖాస్తు స్టేటస్ (Approved, Pending లేదా Rejected) వెంటనే కనిపిస్తుంది.
LEAP యాప్ ద్వారా..
ఆండ్రాయిడ్ మొబైల్ వినియోగదారులు LEAP యాప్ ద్వారా కూడా స్టేటస్ చెక్ చేసుకోవచ్చు. ఫోన్లో యాప్ ఇన్స్టాల్ చేసుకుని, లాగిన్ అయిన తర్వాత మెనూలోని ‘Scheme / Welfare Status’ విభాగంలోకి వెళ్లాలి. అక్కడ ‘Thalliki Vandanam’ పథకాన్ని ఎంచుకుని వివరాలు నమోదు చేయడం ద్వారా తమ పేమెంట్ స్టేటస్ తెలుసుకోవచ్చు.