ఆంధ్రప్రదేశ్ ప్రభుత్వం ‘తల్లికి వందనం’ 2026-27 విద్యా సంవత్సరానికి సంబంధించి అర్హుల జాబితాను మరియు నిధుల జమ షెడ్యూల్ను అధికారికంగా విడుదల చేసింది. స్వర్ణ గ్రామం మరియు స్వర్ణ వార్డు (SGSW) శాఖ ద్వారా ఈ ప్రక్రియను పారదర్శకంగా నిర్వహిస్తున్నారు.
తల్లిదండ్రులు మరియు విద్యార్థులు తెలుసుకోవాల్సిన పూర్తి వివరాలు, టైమ్లైన్స్ ఇక్కడ పరిశీలించండి.
తల్లికి వందనం 2026 – సమయ పరిమితి (Timelines)
మొదటి విడతలో మొత్తం 64,76,590 మంది అర్హులైన విద్యార్థులకు ఆర్థిక సాయం అందించనున్నారు. పూర్తి షెడ్యూల్ కింది పట్టికలో ఉంది:
| క్రమ సంఖ్య | వివరాలు (Task) | గడువు తేదీ (Timeline) |
| 1 | మొదటి విడత ఆర్థిక సాయం జమ | 22 జులై 2026 |
| 2 | సచివాలయాల్లో అర్హుల/అనర్హుల జాబితాల ప్రదర్శన | 21 జులై 2026 |
| 3 | ఆన్లైన్ అభ్యంతరాలు / ఫిర్యాదుల స్వీకరణ (Grievances) | 22 జులై – 03 ఆగస్టు 2026 |
| 4 | ఫిర్యాదుల పరిశీలన & సవరించిన జాబితా రూపకల్పన | 04 ఆగస్టు – 10 ఆగస్టు 2026 |
| 5 | 1వ తరగతి & ఇంటర్ ఫస్ట్ ఇయర్ కొత్త అడ్మిషన్ల గడువు | 25 ఆగస్టు 2026 |
| 6 | అనుబంధ అర్హుల జాబితా (Supplementary List) ప్రదర్శన | 30 ఆగస్టు 2026 |
| 7 | అదనంగా ఎంపికైన వారికి నిధుల జమ (2nd Phase) | 30 ఆగస్టు 2026 |
జాబితాలో పేరు లేకపోతే ఏం చేయాలి? (Grievance Redressal)
అనర్హుల జాబితాలో పేరు ఉన్నా లేదా లిస్ట్ లో పేరు కనపడకపోయినా ఆందోళన చెందాల్సిన పనిలేదు. ఆగస్టు 3, 2026 లోపు మీ స్థానిక స్వర్ణ గ్రామం / వార్డు (SGSW) కార్యాలయానికి (పాత సచివాలయం) వెళ్లి అభ్యంతరం సమర్పించవచ్చు.
కావాల్సిన పత్రాలు:
- రేషన్ కార్డ్ (Ration Card) కాపీ
- తల్లి మరియు విద్యార్థి ఆధార్ కార్డ్ (Aadhaar Card)
- బ్యాంక్ పాస్బుక్ జిరాక్స్ (ఆధార్/NPCI లింక్ అయి ఉండాలి)
- స్కూల్/కాలేజీ ఐడీ కార్డ్ లేదా అడ్మిషన్ రసీదు
సచివాలయ సిబ్బంది మీ వివరాలను ఆన్లైన్ పోర్టల్లో నమోదు చేస్తారు. పరిశీలన పూర్తయిన తర్వాత ఆగస్టు 30న మీ అకౌంట్లో డబ్బులు జమ అవుతాయి.